Monday, October 16, 2006

Landsliðið - vánaligast í Evropa

Lat tað vera sagt beinanvegin. Tað er ikki stuttligt at hyggja eftir føroyska landsliðnum í løtuni. Liðið spælir vánaligari enn nakrantíð og hevur somuleiðis verri úrslit enn nakrantíð. Føroyska landsliðið telist nú millum absolutt vánaligastu landsliðini í Evropa, og er í vanda fyri at enda sum eitt nýtt San Marino - sum eitt lið, ið stórt sæð ongantíð fær stig, líkamikið hvussu ússalig mótstøðan er.

Seinastu fýra dystirnar hevur føroyska liðið tapt 4 dystir á rað og hevur ein málmun á -20. Einans (surprise!) San Marino er vánaligari við málmuninum -20 fyri einans 2 dystir, meðan Andorra hevur ein málmun á -18 fyri 4 dystir.

Um fótbóltur snúði seg um at enda aftast, so lógu føroyingar í oddinum, og oddurin í evropeisku landsliðadeildini hevði sæð út sum á talvu A.

Undir øllum umstøðum er føroyska landsliðið nú í stórum vanda at vinna sær tann ivasama heiður at gerast vánaligasta evropeiska landslið av øllum. Og tá er spurningurin hvørja nyttu vit sum land hava av okkara landsliði. Eftir mínari meining er nyttan nærum negativ, soleiðis sum landsliðið spælir í løtuni.


Dávid móti Goliat

- Hinvegin - vísir Dimmalætting í oddagrein hóskvøldið á - hava vit í seinastuni sæð, at tað ber til hjá teimum smáu. Malta vann 2-1 móti Ungarn og leygardagin vann Kypros 5-2 á Írlandi. Sum oftast fer føroyski leikluturin at vera tann hjá Dávidi, men hann vann jú eisini á Goliat. Føroyar hava eisini fyrr víst, at tað ber til, og vit ivast ikki í, at tað fer at bragda aftur fyrr ella seinni.
Sostatt metir Dimmalætting, at vit eiga at halda fram í altjóða fótbólti, og tað er eisini mín meting, hóast eg havi lyndi at renna skríggjandi burtur frá sjónvarpinum av berari skomm, tá landsliðið spælir.

1 stig fyri hvønn dyst

Hóast føroyska landsliðið helst ongantíð kann gera sær vónir um at sleppa við í eitt EM- ella HM-endaspæl, so eigur landsliðið tó at hava onkrar aðrar ambitiónir enn bara at ”vera við fyri at læra”.

Sjálvandi verða tap góðtikin, um landsliðið hóast sterka yvirvøld hevur kempað allan dystin. Men sum heild eigur landsliðið at satsa upp á eitt stig í hvørjum dysti.

Persónliga eri eg ikki nøgdur uttan at føroyska landsliðið fær 12 stig í núverandi EM-undanbólki. Hetta verður neyvan av nøkrum í hesi undankapping, men eg vóni, at landsliðið fer at satsa meiri upp á at savna saman stig í eini komandi undankapping.

Tað er tann einasti vegurin út úr tí æviga kyksendinum, tað er at vera eitt ”undirklassalið”. Og um tað ikki er eitt mál hjá smáu londunum í Evropu at standa yvirklassaliðunum kurl, so fari eg at geva monnum sum Franz Beckenbauer rætt í, at smálondini áttu at spælt í eini ”undan-undankapping”. So kundu t.d. tey 4 frægastu av ”undirklassaliðunum” sloppið við í veruligu undankappingina.


Kappingin móti hinum smálondunum

Nú er tað sjálvandi ikki lætt at siga nær eitt lið er undirklassi, meðalklassi ella yvirklassi. Men fylgjandi uppbýti kann møguliga nýtast sum ein ábending. Tølini eru roknað út sum ”stig fyri hvønn dyst”. Um eitt lið vinnur allar dystirnar, fær liðið 3,00. Um eitt lið tapir allar dystirnar, fær liðið 0,00. Um eitt lið hinvegin fær eitt stig í hvørjum dysti, fær liðið 1,00.

Út frá hesum havi eg býtt liðini upp í hesar klassar. Hægri yvirklassi: 2,50-3,00; Yvirklassi: 2,00-2,50; Hægri meðalklassi: 1,75-2,00; Meðalklassi: 1,25-1,75; Lægri meðalklassi: 1,00-1,25; Undirklassi: 0,50-1,00; Lægri undirklassi: 0,00-0,50. (Strika merkir her ”til og uttan”.)

Í talvu B eru øll londini í núverandi EM-undankapping sett upp í ein “tignarstiga”. Í talvu C eru londini frá júst farnu HM-undankapping sett upp í ein tignarstiga eftir sama leisti. Í báðum talvum eru Føroyar millum absoluttu botnskavararnar. Tað eru hesar botnskavararnar, vit eiga at samanbera okkum við - ella rættari: at sleppa undan at vera samanborin við!!!

Mín persónliga ambitión fyri føroyska landsliðið er, at arbeitt verður miðvíst fyri at skapa eitt landslið, ið fær í meðal í minsta lagi 1 stig fyrr hvønn dyst. Tá gerast vit tað eg havi valt at rópa ”eitt meðalklassalið”, og tá hava vit veruliga eitt landslið, vit kunnu vera errin av. Í hvussu er eiga vit at stremba eftir hesum, soleiðis at vit í minsta lagi sleppa upp úr tí, eg her havi valt at rópa ”lægri undirklassi”.


Talva A

1: San Marino 0-0-2 0-20 0
2: Føroyar 0-0-4 0-18 0
3: Andorra 0-0-4 1-19 0
4: Liechtenstein 0-0-3 1-11 0
5: Luxembourg 0-0-3 0-4 0
6: Estland 0-0-3 0-4 0
7: Aserbaidjan 0-1-3 1-8 1
8: Moldova 0-1-3 2-10 1
9: Armenia 0-1-2 0-4 1
10: Írland 0-1-2 3-7 1

Talva B
EM-undankapping 2006-8

Hægri yvirklassi
Grikkaland 3,00
Svøríki 3,00
Turkaland 3,00
Týskland 3,00
Niðurlond 2,50
Serbia 2,50
Kekkia 2,50

Yvirklassi
Danmørk 2,33
Ísrael 2,33
Kroátia 2,33
Rumenia 2,33
Frakland 2,25
Skotland 2,25
Bulgária 2,00
Finnland 2,00
Noreg 2,00
Ukraina 2,00

Hægri meðalklassi
Belgia 1,75
Itália 1,75
Makedónia 1,75
Norðurírland 1,75
Ongland 1,75
Pólland 1,75

Meðalklassi
Russland 1,67
Slovákia 1,50
Litava 1,33
Portugál 1,33

Lægri meðalklassi
Bosnia 1,00
Hvítarussl. 1,00
Kýpros 1,00
Lettland 1,00
Malta 1,00
Slovenia 1,00
Spánia 1,00
Valisia 1,00

Undirklassi
Georgia 0,75
Ísland 0,75
Ungarn 0,75
Kasakstan 0,50

Lægri undirklassi
Albánia 0,33
Armenia 0,33
Írland 0,33
Aserbaidjan 0,25
Moldova 0,25
Andorra 0,00
Estland 0,00
Føroyar 0,00
Liechtenstein 0,00
Luxembourg 0,00
San Marino 0,00








Landsliðið - vánaligast í Evropa

Lat tað vera sagt beinanvegin. Tað er ikki stuttligt at hyggja eftir føroyska landsliðnum í løtuni. Liðið spælir vánaligari enn nakrantíð og hevur somuleiðis verri úrslit enn nakrantíð. Føroyska landsliðið telist nú millum absolutt vánaligastu landsliðini í Evropa, og er í vanda fyri at enda sum eitt nýtt San Marino - sum eitt lið, ið stórt sæð ongantíð fær stig, líkamikið hvussu ússalig mótstøðan er.
Seinastu fýra dystirnar hevur føroyska liðið tapt 4 dystir á rað og hevur ein málmun á -20. Einans (surprise!) San Marino er vánaligari við málmuninum -20 fyri einans 2 dystir, meðan Andorra hevur ein málmun á -18 fyri 4 dystir.
Um fótbóltur snúði seg um at enda aftast, so lógu føroyingar í oddinum, og oddurin í evropeisku landsliðadeildini hevði sæð út sum á talvu A.
Undir øllum umstøðum er føroyska landsliðið nú í stórum vanda at vinna sær tann ivasama heiður at gerast vánaligasta evropeiska landslið av øllum. Og tá er spurningurin hvørja nyttu vit sum land hava av okkara landsliði. Eftir mínari meining er nyttan nærum negativ, soleiðis sum landsliðið spælir í løtuni.

Dávid móti Goliat
- Hinvegin - vísir Dimmalætting í oddagrein hóskvøldið á - hava vit í seinastuni sæð, at tað ber til hjá teimum smáu. Malta vann 2-1 móti Ungarn og leygardagin vann Kypros 5-2 á Írlandi. Sum oftast fer føroyski leikluturin at vera tann hjá Dávidi, men hann vann jú eisini á Goliat. Føroyar hava eisini fyrr víst, at tað ber til, og vit ivast ikki í, at tað fer at bragda aftur fyrr ella seinni.
Sostatt metir Dimmalætting, at vit eiga at halda fram í altjóða fótbólti, og tað er eisini mín meting, hóast eg havi lyndi at renna skríggjandi burtur frá sjónvarpinum av berari skomm, tá landsliðið spælir.

1 stig fyri hvønn dyst
Hóast føroyska landsliðið helst ongantíð kann gera sær vónir um at sleppa við í eitt EM- ella HM-endaspæl, so eigur landsliðið tó at hava onkrar aðrar ambitiónir enn bara at ”vera við fyri at læra”.
Sjálvandi verða tap góðtikin, um landsliðið hóast sterka yvirvøld hevur kempað allan dystin. Men sum heild eigur landsliðið at satsa upp á eitt stig í hvørjum dysti.
Persónliga eri eg ikki nøgdur uttan at føroyska landsliðið fær 12 stig í núverandi EM-undanbólki. Hetta verður neyvan av nøkrum í hesi undankapping, men eg vóni, at landsliðið fer at satsa meiri upp á at savna saman stig í eini komandi undankapping.
Tað er tann einasti vegurin út úr tí æviga kyksendinum, tað er at vera eitt ”undirklassalið”. Og um tað ikki er eitt mál hjá smáu londunum í Evropu at standa yvirklassaliðunum kurl, so fari eg at geva monnum sum Franz Beckenbauer rætt í, at smálondini áttu at spælt í eini ”undan-undankapping”. So kundu t.d. tey 4 frægastu av ”undirklassaliðunum” sloppið við í veruligu undankappingina.

Kappingin móti hinum smálondunum
Nú er tað sjálvandi ikki lætt at siga nær eitt lið er undirklassi, meðalklassi ella yvirklassi. Men fylgjandi uppbýti kann møguliga nýtast sum ein ábending. Tølini eru roknað út sum ”stig fyri hvønn dyst”. Um eitt lið vinnur allar dystirnar, fær liðið 3,00. Um eitt lið tapir allar dystirnar, fær liðið 0,00. Um eitt lið hinvegin fær eitt stig í hvørjum dysti, fær liðið 1,00.
Út frá hesum havi eg býtt liðini upp í hesar klassar. Hægri yvirklassi: 2,50-3,00; Yvirklassi: 2,00-2,50; Hægri meðalklassi: 1,75-2,00; Meðalklassi: 1,25-1,75; Lægri meðalklassi: 1,00-1,25; Undirklassi: 0,50-1,00; Lægri undirklassi: 0,00-0,50. (Strika merkir her ”til og uttan”.)
Í talvu B eru øll londini í núverandi EM-undankapping sett upp í ein “tignarstiga”. Í talvu C eru londini frá júst farnu HM-undankapping sett upp í ein tignarstiga eftir sama leisti. Í báðum talvum eru Føroyar millum absoluttu botnskavararnar. Tað eru hesar botnskavararnar, vit eiga at samanbera okkum við - ella rættari: at sleppa undan at vera samanborin við!!!
Mín persónliga ambitión fyri føroyska landsliðið er, at arbeitt verður miðvíst fyri at skapa eitt landslið, ið fær í meðal í minsta lagi 1 stig fyrr hvønn dyst. Tá gerast vit tað eg havi valt at rópa ”eitt meðalklassalið”, og tá hava vit veruliga eitt landslið, vit kunnu vera errin av. Í hvussu er eiga vit at stremba eftir hesum, soleiðis at vit í minsta lagi sleppa upp úr tí, eg her havi valt at rópa ”lægri undirklassi”.


Talva A

1: San Marino 0-0-2 0-20 0
2: Føroyar 0-0-4 0-18 0
3: Andorra 0-0-4 1-19 0
4: Liechtenstein 0-0-3 1-11 0
5: Luxembourg 0-0-3 0-4 0
6: Estland 0-0-3 0-4 0
7: Aserbaidjan 0-1-3 1-8 1
8: Moldova 0-1-3 2-10 1
9: Armenia 0-1-2 0-4 1
10: Írland 0-1-2 3-7 1


Talva B
EM-undankapping 2006-8


Hægri yvirklassi
Grikkaland 3,00
Svøríki 3,00
Turkaland 3,00
Týskland 3,00
Niðurlond 2,50
Serbia 2,50
Kekkia 2,50

Yvirklassi
Danmørk 2,33
Ísrael 2,33
Kroátia 2,33
Rumenia 2,33
Frakland 2,25
Skotland 2,25
Bulgária 2,00
Finnland 2,00
Noreg 2,00
Ukraina 2,00

Hægri meðalklassi
Belgia 1,75
Itália 1,75
Makedónia 1,75
Norðurírland 1,75
Ongland 1,75
Pólland 1,75

Meðalklassi
Russland 1,67
Slovákia 1,50
Litava 1,33
Portugál 1,33

Lægri meðalklassi
Bosnia 1,00
Hvítarussl. 1,00
Kýpros 1,00
Lettland 1,00
Malta 1,00
Slovenia 1,00
Spánia 1,00
Valisia 1,00

Undirklassi
Georgia 0,75
Ísland 0,75
Ungarn 0,75
Kasakstan 0,50

Lægri undirklassi
Albánia 0,33
Armenia 0,33
Írland 0,33
Aserbaidjan 0,25
Moldova 0,25
Andorra 0,00
Estland 0,00
Føroyar 0,00
Liechtenstein 0,00
Luxembourg 0,00
San Marino 0,00



Talva C
HM-undankapping 2004-6


Hægri yvirklassi
Niðurlond 2,67
Ongland 2,50
Portugál 2,50

Yvirklassi
Kroátia 2,40
Pólland 2,40
Svøríki 2,40
Itália 2,30
Kekkia 2,25
Serbia 2,20
Rumenia 2,08
Ukraina 2,08
Frakland 2,00
Spánia 2,00

Hægri meðalklassi
Russland 1,92
Slovákia 1,92
Turkaland 1,92
Danmørk 1,83
Helvetia 1,80
Ísrael 1,80
Noreg 1,80
Grikkaland 1,75

Meðalklassi
Írland 1,70
Bosnia 1,60
Bulgária 1,50
Eysturríki 1,50
Estland 1,42
Ungarn 1,40
Finnland 1,33
Skotland 1,30
Lettland 1,25

Lægri meðalklassi
Belgia 1,20
Slovenia 1,20
Albánia 1,08
Hvítarussl. 1,00
Litava 1,00

Undirklassi
Norðurírland 0,90
Georgia 0,83
Valisia 0,80
Makedónia 0,75
Liechtenstein 0,67
Armenia 0,58
Moldova 0,50

Lægri undirklassi
Andorra 0,42
Ísland 0,40
Kýpros 0,40
Aserbaidjan 0,30
Malta 0,30
Føroyar 0,10
Kasakstan 0,08
Luxembourg 0,00
San Marino 0,00

Monday, October 9, 2006

Sigrun Valbergsdóttir – Føroyavinur setur upp leik um Edith Piaf

Tá stórbæri sjónleikurin “Piaf” eftir Pam Gems verður frumframførdur 14. oktober, er tað eftir langt og miðvíst arbeiði frá nógvum sjónleikarum og hjálparfólkum. Men serliga forkunnugt er kanska, at Sjónleikarahúsið hevur fingið roynda íslendska leikstjóran Sigrun Valbergsdóttir at koma við listarligum íblástri.

Sigrun Valbergsdóttir er ikki hvør sum helst, men ein leikstjóri við hollari útbúgving og drúgvum royndum innan nærum alt, ið hevur við sjónleik at gera. Hon varð í 1970 útbúgvin av Þjóðleikhúsinum, áðrenn hon fór til Týsklands at útbúgva seg víðari. Hon vendi aftur til Íslands í 1978, har hon átók sær nógvar týðandi uppgávur sum leikhússtjóri í Alþýðuleikhúsinum og seinni – í 1983 – sum dagligur leiðari fyri Bandalag Íslendskra Leifelaga, har hon eisini tók upp leikstjórn. Síðani tá hevur hon leikstjórnað fleiri enn 40 stykki av alskyns slagi, bæði við áhugaleikarum og yrkisleikarum. Hetta umframt at hon hevur skrivað og umsett fleiri leikrit sjálv.

Umframt hetta hevur Sigrun Valbergsdóttir tikist við mentanarumsiting, millum annað í íslendska mentamálaráðnum og sum leiðari fyri útlendsku tiltøkini, tá Reykjavík var evropeiskur mentanarbýur ár 2000. Síðani hetta hevur hon arbeitt sum kunningarstjóri í Borgarleikhúsinum í Reykjavík, men seinasta árið hevur hon aftur fingist við leikstjórn burturav.

- At vera leikstjóri er tað starvið, sum krevur mest, sigur Sigrun Valbergsdóttir, ið tosar mest sum fullkomið føroyskt – við einstøkum íslendskum orðum inn ímillum.

- Men tað er eisini tað, ið gevur mest, vísir hon á.


Seta lívið handan pallin á pall

Tað er heldur ikki ein lítið krevjandi sjónleikur, Havnar Sjónleikarfelag hevur sett sær fyri at framføra. “Piaf” er ein drúgvur og krevjandi leikur, ið varar umleið hálvantriðja tíma, og tá krevur tað sína kvinnu at koma niður á botn við øllum tilfarinum. Ein sjónleikur kann tykjast einfaldur á at líta, tá hann eftir drúgva venjing verður framførdur. Men handan tær lættglíðandi rørslurnar og replikkirnar liggur eitt hart arbeiði við at venda og tulka hvørjum evarska lítla aspekti í leikinum. Alt skal venjast út í æsir, og leikararnir skulu skilja hvat teir framføra.

- Man skal fara inn í kjarnin av leikinum og finna út av hvønn boðskap hann hevur. So leingi man ikki kann siga við einum setningi, hvat leikurin snýr seg um, tá kann man ikki fara í gongd.
Men Sigrun Valbergsdóttir metir, at tey hava funnið rætta formulin at seta leikin upp eftir:

- Leikurin er eitt róp eftir eyðnusemi og eftir at fólk skulu elska teg, sigur Sigrun Valbergsdóttir og sipar til harðbalna lívið hjá Edith Piaf.

Edith Piaf var ein kvinna av fátækum korum, fødd í 1915 á eini gøtu í París. Pápin var gøtusjónleikari, mamman hevði eina fortíð sum gøtusangari, og Edith Piaf sjálv byrjaði at syngja á gøtuni sum fimtan ára gomul, áðrenn hon í tríatiárunum legði heimin undir sínar føtur. Men saman við drykkjuskapi, rúsevnismisnýtslu og tilvildarligum kærleika var sangurin eisini ein flýggjan frá veruleikanum og inn í ein vakrari heim. Harða lívið førdi við sær, at hennara misnýtsla gjørdist alsamt meiri umfatandi, og longu í 1963 – einans 47 ára gomul – doyði hon í heimi sínum í París.

- Alt lívið hjá Edith Piaf var eitt róp, og hon var eyðnusamast, tá hon sang, sigur Sigrun Valbergsdóttir.


Hugtikin av føroyska samfelagnum

Sigrun Valbergsdóttir er føroyavinur burturav. Ikki bara tosar hon føroyskt, nei hon hevur somuleiðis ein tokka til føroyska samfelagið og føroysku mentanina. Hon hevur eisini arbeitt í Føroyum áður; í 1989, tá hon leikstjórnaði sjónleikin “Framá” í sambandi við at Ítróttarsamband Føroya fylti 50 og í 1994, tá hon leikstjórnaði barnasjónleikin “Óvitar” eftir Guðrun Helgadóttir. Báðir leikirnir eru – eins og “Piaf” settir upp av Havnar Sjónleikarafelagi.

Nú er hon so aftur í Føroyum, og er hon framvegis eins hugtikin av landinum og áður.

- Eg havi verið øgiliga glað fyri at koma til Føroya, sigur hon.

- Tit hava eina sera hugkveikjandi mentan. Málið er so hugkveikjandi og flott, sigur Sigrun
Valbergsdóttir, ið heldur at tað riggar væl at framføra leikin á føroyskum.

Her hevur Sigrun Valbergsdóttir rósur at bera Hans Tórgarð, ið hevur týtt leikin til føroyskt og Jytte Joensen, ið hegnisliga hevur týtt sangirnar í leikinum úr fronskum. Hon heldur, at Hans Tórgarð hevur megnað at latið leikin í eitt føroyst málsnið, ið ikki bara er innihaldsliga neyvt, men somuleiðis liggur væl í munninum. Hetta ger tað sjálvandi lættari hjá einum leikstjóra at táa leikin at hanga saman.

- Tann størsti trupulleikin er, tá leikir skulu umsetast, tí málið hevur altíð ein innbygdan mentalitet, og tað er ringt at umseta mentalitet. Man formidlar nógv meiri í eini replikk enn tað, man sigur. Man formidlar eisini tað man hugsar og tað undirtilvitaða.

Sjónleikurin “Piaf” verður framførdur í Sjónleikarhúsinum í Havn frá 14. oktobur til 10. novembur.

Valið millum arbeiði og frítíð

Prentað sum kronikk í Dimmalætting 4. august 2017 Í løtuni hava nógvir føroyingar summarfrí. Dagligu pliktirnar eru lagdar til síðis na...